زانكۆيا زاخۆ د چارچووڤێ پڕۆژەیێ TRANSITION دا، بۆ دەمێ دوو ڕۆژان 11-12يێ گولانا 2026ێ خۆله‌كا ڕاهێنانێ ل دۆر "جوداهيیا که‌لتووری، پێكهاته‌ و ئارمانجێن گەشەپێدانا بەردەوام" ب سەرپەرشتییا سەرۆکێ زانکۆیا زاخۆ "پ.د.دیار عبدالکریم سعید"گێڕا.
خۆل ل ڕێككه‌ڤتى 11يێ گولانێ ب ئاماده‌بوونا هاريكارێن سه‌رۆكێ زانكۆيێ (پ. هـ.د. جاسم محمد عبدۆ) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ. د. محمد حسن خمۆ) هاریکارێ سەرۆکێ زانکۆیێ بۆ کاروبارێن کارگێری و دارایێ و (پ. هـ. د. رمضان جعفر) هاریکارێ سەرۆکێ زانکۆیێ بۆ کاروبارێن قوتابیان و ڕێڤه‌به‌رێ په‌يوه‌ندیێن ناڤدەولەتی (پ. هـ. د. نزار عصمت علي) ده‌ستپێكر.
ئه‌ڤ خۆله‌ ب ئاماده‌كارييا مامۆستايێن پشكدارێن خۆلێن به‌رێ يێن ئه‌ڤى بەرنامەی (پ. د. عبدالسلام نجم الدين عبدالله، پ. د. نزار ايوب حسن و پ. هـ. د. على حسن يوسف) هاته‌بڕێڤه‌برن.
ل ڕۆژا دووماهييێ باوه‌رنامه‌ ژ ئالييێ سه‌رۆكێ زانكۆيێ و هاریکارێن ئەوی و ڕێەبەرێ پەیوەندییانڤە هاتنه‌پێشكێشكرن.
د ئه‌ڤێ خۆلێدا 21 كه‌س پشكدار بوون، ب ئه‌ڤێ ڕه‌نگى: (4) مامۆستايێن زانكۆيا زاخۆ، (8) فه‌رمانبه‌رێن زانكۆيا زاخۆ، (2) فێرخوازێن زانكۆيا زاخۆ ژ پێكهاته‌يێن جودا (ماسته‌ر و دكتۆرا)‌ و (7) مامۆستايێن په‌روه‌رده‌يا زاخۆ ژ پێكهاته‌يێن جودا.
د دەمێ دوو ڕۆژاندا 6 ڕوونشتن ل دۆر مژارێن جودا يێن كه‌لتوورى و گرنگييا پاراستنا كه‌لتوورى هاتنه‌ئه‌نجامدان و تێدا پشكداربوويان ب ڕێكا چێكرنا پڕۆژه‌يێن بچووك دانوستاندن ل دۆر ڕه‌وشا كه‌لتووريا پێكهاته‌يان و چاره‌سه‌رييێن دەمکى و دۆمدرێژ بۆ پرسگرێكێن پێكهاته‌يان ل هه‌رێما كوردستانێ كرن.
هه‌ژى گۆتنێيه‌ كو بەرنامەیێ ئیراسموس+، KA2 – بۆ پێشڤەبرنا شیانان د بياڤێ خواندنا بلنددا ب پشتەڤانییا ئێكەتییا ئەورۆپا دهێته‌ئه‌نجامدان. ئارمانجا پڕۆژه‌يێ TRANSITION پاراستنا میراتێ‌ كەلتوورییێ‌ بەرهەست و نەبەرهەستێ‌ جڤاكێن پێكهاته‌يان ل هەرێما كوردستانا عیراقێ‌ و ل یەمەنێ"یه‌. دەمێ پڕۆژەی ژ 1ێ شوباتا سالا 2025ێ‌ هەتا 31 كانوونا دوویێ‌ سالا 2027ێ‌ ڤەدكێشیت. پشكدارێن پڕۆژه‌ى ژى پێکهاتینە ژ: زانكۆیا دهۆك، زانكۆیا زاخۆ، زانكۆیا سلێمانى، زانكۆیا سۆران، زانكۆیا عه‌ده‌ن، زانكۆیا ته‌عز، زانكۆیا ساپينزا يا ڕۆما، زانكۆیا ئيڤۆرا، يۆنيمێد - ئێكه‌تييا زانكۆيێن ده‌ريايا سپى، ئەنجومەنا ناڤدەولەتی یا شوينوار و جهان (ICOMOS)، ڕێكخراوا ئاركیۆلۆژییا كوردستان - KAO. مه‌زاختييێن پڕۆژه‌ى ژ ئالييێ ئێكه‌تييا ئه‌ورۆپاڤه‌ هاتييه‌دابينكرن.
ئارمانجا پڕۆژەیێ‌ TRANSITION ئەوە كو پشكدارییێ‌ د پێشڤەبرنا ژینگەهەكا فێركرنێ یا تایبەت و خەباتكەردا بكەت كو مفای ب میراتێ كەلتوورییێ بەرهەست و نەبەرهەست یێ پێكهاته‌يان ب رێكا بكارهینانا ڕێبازەكا فرە-بياڤ بۆ بلندكرنا ئاستێ‌ هشیاريیێ ل دۆر گرنگییا پاراستنا میراتێ كەلتووری ل هەردوو وەلاتێن هەڤپشك هەرێما كوردستانا عیراقێ و یەمەنێ‌ دگەهینیت، ب ڕێكا هەڤكارییێ د ناڤبەرا سازییێن خواندنا بلند، جڤاكێن زانستی و لایەنێن دییێن بەرژەوەندمەند و گرنگیپێدەر وەكو كاربدەست و بڕیاردەر و جڤاكێن ناڤخوەى.